Bransje fag og miljø

Denne boka er ein del av eit større læreverk for utdanningsprogrammet restaurant- og matfag Vg1, skriven i samsvar med læreplanen og intensjonane i Kunnskapsløftet. Boka tek først og fremst for seg dei ulike bransjane, faga og yrka i restaurant- og matfaga. Men vi lærer også om regelverk og om merking av matvarer, om ergonomi og helse, om organisasjonane i arbeidslivet, rammevilkår og konkurranseforhold. Og ikkje minst lærer vi kva god service er. Britt Elisabeth Olsen er hovudforfattar og redaktør for boka. Ho er utdanna kokk og næringsmiddelteknikar og har brei arbeidserfaring frå fiskehandel, forskingsinstitutt og fleire restaurantar og hotell i inn- og utland. Ho arbeider no som produktutviklar og fagleg konsulent ved Gastronomisk Institutt AS. Læremiddelverket i restaurant- og matfag Vg1 er utvikla i samarbeid mellom Fagbokforlaget, Gastronomisk Institutt og Grieg Multimedia.