Dikt i samling

Då diktsamlinga Kvit, norsk mann kom ut i 2022, blei ho straks ein sensasjon. Boka fekk svært god kritikk, har kome i fleire opplag og motteke Kritikerprisen, Ungdommens kritikerpris og Nynorsk litteraturpris. Dikta har blitt lest breitt av folk i alle aldrar, i skuleklassar og på politiske markeringar. Norsk kjærleik (2024), som blei nominert til Brageprisen, byggjer vidare på nokon av dei same emna som forgjengaren, med dikt om adopsjonsindustrien og norsk rasisme. Samstundes vil lesaren merkje ei forsoning, kanskje også ei ny omfamning, av det norske og forfattaren sin eigen oppvekst på Vestlandet. Medan Garden under jorda (2019) har ei litt anna tilnærming til gardsliv, natur og Norge. Også her står kjensla av utanforskap sentralt, i dikt som set alle sansane i spel, kor ein kan kjenne jord under føtene og lukta av nyslått gras i nasen. For det er mogleg å kjenne seg framand og likevel høyre til. Med denne utgjevinga kjem alle diktsamlingane i ei utgåve.