Dikt I Umsetjing

Olav H. Hauge (1908-1994) er rekna som vår fremste lyrikar i etterkrigstida. Han gav i alt ut seks diktsamlingar, og samleutgåvene omfattar meir enn 400 dikt. Samstundes var han ein av våre fremste og mest originale gjendiktarar. <br/> <br/>Hauges dagbøker gir innsyn i korleis han på eiga hand lærde seg framande språk og arbeidde med å føre dei utanlandske yndlingspoetane sine frå engelsk, fransk og tysk over i norsk språkdrakt. Denne samlinga er ei auka utgåve av Dikt i umsetjing, som Noregs Boklag gav ut i 1982. Her er òg dei nye omsetjingane i Frå Rimbaud til Celan med. Boka har også med Hauges merknader, der han på sitt særeigne, korthogne vis kommenterer dei dikta han har omsett.