Ein Augneblink, Kanskje To Av Marit Kaldhol

Handlinga i Marit Kaldhols roman for ungdom utspelar seg den sommaren då syttenårige Linn får seg ein kjærast, og opplever at mormor, som ho kjenner seg sterkt knytt til, døyr. Samtidig som forteljinga er djup, er ho lett og dansande. "Det er ei merkverdig bok som kan omhandle drastiske ting som tungsindig mor, ugrei far og døyande mormor, og likevel vere så frisk og glad og svellande," seier konsulenten. Lesaren blir dregen inn i den unge jentas svingande tankar og stemningar nokre evige sommardagar. Forfattaren har skapt ei bok som vil leve lenge i lesaren.