Lothepus Av Leif Einar Lothe, Finn Tokvam

«Det kan ikkje kallast ein heim om det ikkje er plass til ein dumpar i tunet.» <br/>Leif Einar Lothe, betre kjend som Lothepus, sjarmerer og provoserer folk over heile landet. Hardhausen frå Hardanger, med cowboyhatt og røyk i kjeften, er vanskeleg å vere likegyldig til. <br/>Over ein million følgde med då han vann realityserien Farmen kjendis vinteren 2017. Men kven er han? Eit ekte mannfolk? Ein dinosaur med forkvakla kvinnesyn? Ein snill og hjelpsam mann? Ein som gir faen? <br/>Denne boka er ein sjølvbiografi utan dei kjedelege delane. Her får du ville historier om å ri i fylla, om å bli kidnappa i India, om å flykte frå politiet på hest. Det handlar også om da han mista veslebror sin, Stian, i ung alder. <br/>Boka er ført i pennen av journalist og forfattar Finn Tokvam, og byr på massevis av fotografi frå livet til ein sann eventyrar. <br/> <br/>Leif Einar Lothe (f. 1969) kjem frå Rogdo i Hardanger. Han er maskinførar og entreprenør, kjent for si rolle i tv-serien Fjorden Cowboys og Farmen kjendis. Finn Tokvam (f. 1972) er frå Flåm. Han er forfattar og journalist, kjent frå mellom anna radioprogrammet P.I.L.S. Dette er hans fjerde bok.