Øygarden Bygdebok Av Kjell Alvheim, Kenneth Bratland, Yngve Nedrebø

<div>«Dersom ein ikkje kjenner fortida, forstår ein ikkje notida, og forstår ein ikkje notida, eignar ein seg ikkje til å forma framtida.» Slik skal den franske filosofen og aktivisten Simone Weil (1909-1943) ha formulert sitt historiesyn, og orda er like forstandige og gyldige i Øygarden som i Paris.</div><div>Øygarden har gjennom tusenvis av år hatt rike ressursar å by på for folk som ville ta strevet med å finna og bruka dei. Men det var eit slit!</div><div>Denne boka fortel om dei som slo seg ned og levde livet sitt i den søre delen av Hjelme sokn. Mange av dei var innflyttarar som kryssa fjorden i håp om ei betre framtid, eller som la bak seg uår og svolt.</div><div>Skriftlege kjelder kan fortelja oss om gard og slekt gjennom dei siste fire hundreåra, men vi veit at folk må ha levt liknande liv her i mange hundreår tidlegare. Båten, fiskesnøret og garnet skulle saman med nokre husdyr og små åkerlappar sikra det daglege brød.</div><div>Kan vi med kunnskapen om desse menneska få hjelp til å forstå notida, og gjennom det vera betre rusta til å forma framtida?</div