Anno 1902

Kaptein Pedersen og hans besetning legg ut på ny Sør-Amerika-tur etter å ha<br/>overvintra på klyngetunet Henjum i Hermansverk. Nordnes Viking har vore på<br/>verkstad i denne tida. Me kan trygt seia det slik at det vart nokre romantiske<br/>månadar der inne på Systrond. Boka handlar om kapteinen og bonden Eivind<br/>Pedersen og hans unike mannskap.<br/><br/>Kaptein Pedersen er ein balansert og dyktig leiar både på sjø og land. Med<br/>hell og dyktigheit får han mannskap og skip ut av kritiske situasjonar, som<br/>det framleis er mange av rundt 1900-talet på dei sju hav. Sjørøvarane si tid<br/>er ikkje over, og dei samarbeider med og vert styrd av folk høgt på strå i både<br/>politikken og forretningsverda.<br/><br/>Telegrafi har modernisert sjøtransporten mellom Amerika og Europa rundt<br/>1900-talet. Ikkje minst telekabelen mellom Norge og Skottland og telekabelen<br/>mellom Irland og USA har vore eit gode for heile Vest-Europa og Amerika og<br/>ikkje minst Norge, som har stor eksport av fisk ut i verda. Sjølvsagt utnyttar<br/>òg kjeltringane oversjøisk kommunikasjon til sin fordel.<br/><br/>På denne nye Sør-Amerika-turen får ikkje Pedersen berre sjørøvarar å stri med.<br/>Ho Johanna, kona til kaptein Nilson, har kjøpt seg plass på Nordnes Viking<br/>sin nye tur til Rio. Ho vil på leiting etter mannen sin, for ho har ikkje høyrt frå<br/>han på eit lite år. Pedersen har på denne reisa med eit giftelystent mannskap<br/>som har vore på friarføter inne på Systrond. Ein av mannskapet har arva ein<br/>gard i klyngetunet Henjum, som har historisk sus frå lenge før vikingtida. Fire<br/>bryllaup og ein konge samstundes på Systrond er ikkje daglegdags.<br/>Gardsdrift krev litt meir kunnskap enn sjøfolka har frå ei seglskute. Fleire av<br/>mannskapet om bord på Nordnes Viking har vakse opp på gard, det er verre<br/>med arvingen, som kjem frå tjukkaste Bergen. Alt må lærast frå botnen av,<br/>men med god hjelp av gode naboar på Henjum og kollegaer om bord i Nordnes<br/>Viking vert desse ungdommane ein styrke for bygda.