Betalt for å stå

1960–1980: Ferdinand kjem frå Elfenbeinskysten til Paris, klar for å ta verda med storm og gjere det stort i Europa.<br>1990-talet: I gullalderen for innvandring til Frankrike kjem dei papirlause ivorianske studentane Ossiri og Kassoum til Paris, ein hovudstad der det pågår store politiske og samfunnsmessige endringar.<br>2000-talet: På Sephorabutikken på Champs-Élysées observerer ein ivoriansk vektar vanane til kundane som strøymer til denne høgborga for kapitalisme og forbruk.<br><br><strong><em>Betalt for å stå</em></strong> er ein satirisk roman om postkolonialismen og forbrukarsamfunnet sett frå perspektivet til tre generasjonar papirlause innvandrarar frå Elfenbeinskysten som jobbar som vektarar - Ferdinand, Ossiri og Kassoum -  i Paris frå 1960-tallet og litt innpå 2010-talet.<br><br>Romanen er både hysterisk morosam og djupt alvorleg, med skarpe observasjonar frå vektarane som, dag ut og dag inn, står rett opp og ned og dokumenterer kjøpsvanar, kroppsspråk og ikkje minst den kulturelle identiteten til kundane frå fjern og nær som ein vektar er sett til å halde auge med.<br><br><strong><em>Betalt for å stå</em></strong> er ein ellevill ordfest med sosial og politisk brodd som gir eit unikt innblikk i konsekvensane av koloniseringa i vestlege forbrukarsamfunn.<br><br>Boka er oomsett frå fransk av Tove Bakke. Omslagsdesign ved Studio Holberg.<br>