Bror Min Av Laura Djupvik

Poetisk drøymeleik <br/> <br/>I denne vakre bildeboka møter vi ei jente og far hennar i ei tid prega av sorg. Dei to lever ut sorga på ulikt vis. Faren trekker seg inn i seg sjølv, medan jenta drøymer om broren ho har mista. <br/> <br/>Då jenta får faren med på drøymeleiken, skjer det noko stort og uventa. <br/> <br/>Bror min viser kor ulikt barn og vaksne kan tenke om sorg - og korleis dei ulike perspektiva saman kan gi både innsikt og krefter til å leve vidare, saman. <br/> <br/>Boka kan eigne seg for den som har mist nokon, men også som grunnlag for samtale med barn om kva døden er. <br/> <br/>Bror min er ei forteljing om sorg og håp og om dei heilande kreftene som vi alle ber på. <br/> <br/>Laura Djupvik (f. 1970) er forlagsredaktør og forfattar. Ho kjem frå Gurskøy på Sunnmøre og bur no i Lier i Drammen. Ho debuterte med romanen Båten er så liten i 2004. Ho har skrive fleire bøker for vaksne, ungdom og barn. <br/> <br/>Øyvind Torseter (f. 1972) er ein prislønt forfattar og illustratør, og har blant anna vunne Deutscher Jugendliteraturpreis, Bokkunstprisen og Bologna Ragazzi Awards. Han er kjent for bøker som Hullet, Mulegutten og Altmuligmannen.