Dalen Portland Av Kjartan Fløgstad

Kjartan FløgstadDalen Portland Dalen Portland er ein underhaldningsroman, ei karnevalistisk forteljing med djupe røter i den pikareske romanen. Sjømannen Rasmus Høysand er eventyrfiguren på stadig reise ut i verda, med eit lager av fantastiske forteljingar og historier. Industriarbeidaren Arnold Høysand representerer den lokale utviklinga på industristaden Lovra. Sentralt i romanen står feiringa av tilværet og ikkje mist trua på den skapande krafta i folkeleg erfaring. Dalen Portland rommar både samfunnsanalyse og politisk satire, og blir rekna som eit av dei mest sentrale verka i Fløgstads forfattarskap. Fløgstad fekk Nordisk Råds litteraturpris for Dalen portland i 1977.