Dropshjarte

<em>Dropshjarte</em> er det andre bindet i Jóanes Nielsens forteljing om dei færøyske slektene Brahmadellane og Tvibur, ei krønike som godt og grundig blandar fiksjon og verkelege hendingar i nyare færøysk historie.<br><br>Dropshjarte er ei forteljing om familieband og vennskap, kjærleik og hat, sex, kristendom og djevelskap, medynksdrap, færøyske nazisympatisørar, sandsuging og sledehundmassakre i Grønland, ei okkult Forbannarsekt, eit bombeattentat mot Lagtinget, ei skipsulykke, rabbinarbesøk i bygda Sumba, berserkgang i Klaksvík – og eit møte med Den vonde sjølv. <br><br>Omdreiingspunktet i forteljinga er forfattaren Eigil Tvibur som har genar frå både Brahmadell- og Tviburslekta. Eigil er valdtektsbarn, unnfanga da broren til farfaren hans valdtok niesa si i eit fjøs i Sumba, og han kjempar ein stadig kamp for å forsone seg med seg sjølv og med sitt opphav. Han har på same tid eit ømt og eit brutalt sinn – og eit temperament som innimellom bringer han opp i trøbbel.<br><br>Jóanes Nielsen er ein færøysk forfattar. Han debuterte i 1978 med diktsamlinga <em>Den trettande månaden</em> (Trettandi mána<em>ð</em>in), og har sidan skrive ti diktsamlingar, fem romanar, tre skodespel, to essaysamlingar og en novellesamling. <em>Dropshjarte</em> er andre bind i tetralogien <em>Ei nordatlantisk krønike</em>.<br>