Mi høgre hand vegen mot ein identitet som funksjonshemma

«– Vil du vere saman med han, Mone? Vil du? Hallo-o! Kom an, svar då! <br>Før bussen køyrde inn på haldeplassen utanfor skulen, hadde eg gjeve opp. <br>– Ja … Okei, då. <br>Ein ørliten del av meg – eg ville aldri innrømt det der og då – lurte på om eg hadde fått min første kjærast. I matpausen samla det seg ein stor gjeng rundt meg. <br>– Det var berre kødd! Trudde du verkeleg at han ville vere i lag med <em>deg</em>?!» <br><br>Mone Celin Skrede er fødd med ei høgrehand som er mindre enn den venstre. Her deler ho forteljinga si om å vekse opp i ei lita vestlandsbygd utan å identifisere seg som «funksjonshemma». <br><em>Mi høgre hand</em> er ei bok som utfordrar og overraskar. Skrede skriv ope om korleis ho har navigert i livet sitt, og om korleis ho har funne styrke i å vere ein del av «rørsla». <br><br>I serien Norsk røyndom inviterer Samlaget utvalde forfattarar til å skrive om den norske samtida. Viktige tema vert presenterte i kort format, med eit personleg utgangspunkt. Våren 2025 kjem det fem nye titlar i serien. Bøkene gir eit unikt innblikk i tema som pregar Noreg i dag, og korleis dei påverkar kvardagen til folk.<br><br><br><br><br>