Når KI blir gud - kva er då eit menneske?

Dette er ikkje ei bok om kunstig intelligens. I staden er det ei bok om kva KI gjer med oss, om vårt syn på mennesket, om vår bruk av KI som ein allvitande samtalepartnar, og kva KI kan gjera med oss i framtida. Det er altså fyrst og fremst ei bok om mennesket, kven vi er og kva som skjer med oss i møte med den digitale revolusjonen.<br><br>Men det er også ei bok om korleis vi ser på Gud. Kva har KI gjort med vårt syn på ein høgste intelligens? Liknar KI kanskje på den allvitande guddomen mennesket alltid har leita etter? Kva skjer dersom vi forvekslar kunstig intelligens med det store intellektet som vi kallar Gud?<br><br>Forfattar Hans Johan Sagrusten inviterer oss til ein samtale om kva som kjenneteiknar det menneskelege og det guddommelege i ei verd som ser ut til å kaste seg ut i dansen om det digitale.<br>