Og mor

«Mor går til og frå kjøkenet og stova. Ho rører i grauten og set kålrabien på kok, og ho set seg på krakken og ser ut vindauga og opp mot den store Rossnos-nuten. Ho sit på krakken som besten laga og besto sauma trekk med gamalt mønster til, den same krakken mor har sete på mange gonger før, og alltid med kikerten i hendene for å sjå bort under høgaste nuten, til andre sida av dalen der alt går føre seg.»<br> <br>Etter ei fatal hending lovar ein gut seg sjølv at han skal gjera det han kan for at mora aldri skal ha sut for han. Ho har då hatt nok å stri med, som ho seier. Lovnaden fører guten inn eit vaksentilvære som litt om litt tek motet frå han.<br> <br>Erlend Garatun Huus (f.1967 i Odda) har skrive bøkene <em>Sjå, Ingebjørg – før i tida!</em> (2009), <em>Rock og røyk – Rockesoge frå ein industristad</em> (2011), <em>Ukjende vestlendingar </em>(2014) og <em>Stør og sjampansjebrus – Bygdebok for Bjølledalen</em> (2020) Garatun Huus fekk Odda mållag sin Målpris i 2012. <em>Og mor </em>er hans andre roman.<br>