Over havet til Amerika i 1825

Sommaren 1825 forlét 52 barn, ungdommar og vaksne Stavanger i ei lita<br>seglskute med namnet RESTAURATION. Dei skulle segla heilt til Amerika.<br>Nils på ni år og søstrene hans var så spente og gledde seg til å møta att<br>onkelen. Han heitte Kleng Peerson og hadde reist i førevegen. Ei yngre jente,<br>Marta Helene, skulle reisa saman med mor si og far sin. Ho gledde seg ikkje, men<br>var berre trist og lei seg. Kvifor var ho det? Og kva hende om bord på den overfylte<br>seglskuta på den tre månader lange reisa? Korleis var det så å komma til den store<br>byen New York? Og korleis kom dei seg vidare til staden der dei skulle bu?<br>Her i boka finn du historia om dei første norske emigrantane som drog til<br>Nord-Amerika, fortald med ord og bilde.<br>