Raudt Støv Av Tore Kvæven

Mektig dystopi frå brageprisvinnar Tore Kvæven. Nominert til Sørlandets litteraturpris!<br/><br/>Året er 2060. Generalløytnant John Arnhem og elitesoldatane hans ligg skjult bak ein åsrygg i jungelen i Malaysia. Dei er i fiendens habitat, jakta av blodhundar som kan fanga opp lukter med konsentrasjonar ned til enkeltmolekyl. Det er her det blir avgjort om dei skal venda attende til australsk jord, eller om dei til sist skal gå i eitt med regnskogens evigvarande fukt og stank.<br/><br/>Den verdsomspennande krigen har vart i 17 år. Nordvest i Australia klarer ein liten by enno å halda stand mot fienden. Sentralt i forsvaret står John Arnhems spesialeining Dronningas jegerar. Men krigen og alt John Arnhem har trudd på, er i endring. Den sigeren han ein gong trudde han skulle oppleva, synest fjernare enn nokon gong.<br/><br/>Medan krigsmaskineriet rullar fram i all sin brutalitet, finst naturen der, også den full av elende, men òg av livskraft. Medan menneska manøvrerer mot sin eigen undergang, gjer villhestane som dei alltid har gjort: Dei fylgjer flokken og instinktet mot nye horisontar. <br/><br/>Raudt støv er første bok av to