Skaping

<strong>«Kva tenkjer vi på når vi seier skaping?»</strong><br><br>Med dette spørsmålet startar Jean-Luc Marion ei utforsking av korleis omgrepet har blitt smidd til gjennom den metafysiske historia, og korleis dette påverkar synet vårt på skaparkraft i dag. Kjem kunsten frå kunstnaren sjølv eller frå ein annan stad? «Det var noko som skreiv i meg», har Jon Fosse sagt om eiga skriving. Kva er dette «noko»?<br><br>Marion ser på skapinga frå ein bibelsk ståstad: ikkje som produksjon, men som godleik, gåve og kjærleik. Dette gir oss eit nytt paradigme der kunstnarleg skaping er ein syns- og lyttemåte: «Kunstnaren lukkast berre i å nå fram til det fullførte verket sitt ved å ikkje finne opp noko.»<br><br>Denne boka er den skriftlege utgåva av Fosseforedraget 2025. Jean-Luc Marions <em>Skaping</em> er det fyrste bidraget i ei planlagd rekkje med foredrag om litteratur og kunst – ei satsing til ære for den fjerde norske nobelprisvinnaren i litteratur.<br>