Skogen Den Grøne Av Ruth Lillegraven

Nominert til Kulturdepartementets litteraturpris for beste barne- og ungdomsbok.<br/><br/>Diktsamling for barn av prisvinnande og kritikarroste Ruth Lillegraven.<br/> <br/>høyr! <br/>kviskrar stien <br/> <br/>hausten spring <br/>gjennom skogen <br/>stel sommaren <br/>og kjem med <br/>vinteren <br/> <br/>og sjå! <br/>gule lauv ligg og <br/>lyser på bakken <br/> <br/>det er gullmyntar <br/>som hausten har <br/>strøydd ut <br/> <br/>Kva skjer når eit barn følgjer ein kviskrande sti inn i skogen den grøne? Korleis kan ei bjørk likne ei jente som prøver å riste vatn ut av håret? Og kva med skodda som kjem som huldrepust? Og elgen som flyt i det botnlause tjernet, søkk han heilt ned til Kina? <br/> <br/>Som i den Bragepris-nominerte diktsamlinga «Eg er eg er eg er» skriv Ruth Lillegraven med finkjensle for dei små detaljane. I «Skogen den grøne» følgjer vi eit barns undrande blikk på det som lever og hender i naturen rundt oss. Lillegraven tek den unge lesaren med inn i skogen - og inn i poesien. <br/> <br/>Boka er vakkert illustrert av prislønte Mari Kanstad Johnsen.