Sommar I Thereses Gate Av Ronnie M.A.G. Larsen

I nokre sommarveker ligg Oslogryta på kokepunktet og vinden er søkk borte. Pianostemmaren Henry Moan er godt vaksen og heile livet har han budd i den same bygarden i Thereses gate. Han har brukt talentet sitt til å gjere amatørar gode og til å la virtuosar skinne. Ein dag døyr sjefen og Henry innser at ein livslang draum om å bryte opp og flytte til Salzburg er innan rekkjevidde. <br><br/>Han skal berre avvikle pianobutikken, besøke epleskrotten av ei mor, få greie på kva som eigentleg skjedde med Slampen, ta seg av undulaten Louis, bli sjukemeldt, unngå å verte forelska, bli friskmeldt, spreie sjefens oske utover Oslo, halde avtalen med Konserthuset varm, nippe til ein whisky av beste sort i Bar Noir, bli klok på Frk. Sanner og ikkje minst få seg ei god natts søvn på så lengje han kan hugse. <br><br/><strong>Sommar i Thereses gate</strong> er ein liten film frå Bislet, fylt av musikk. <strong>Sommar i Thereses gate</strong> er ein liten roman om dei som gjerne lev eit heilt liv utan å bli sett.