Stella seier sanninga stort sett

Det er snart jul, men Stella gruer seg. For både bestevenninna Rania og naboen Hillevi skal reise bort i ferien. Kven skal ho og mora feire saman med då? Når Stella får tenkt seg om, skjøner ho at to er for lite, dei må vera fleire. Og er ikkje eigentleg leilegheita deira stor nok til ein til?<br><br>Utan at mora får vita det, begynner Stella å leite etter ein leigebuar. Det skal vise seg å vera lettare sagt enn gjort, for det er visst berre raringar som finst i denne byen. Når tankane tårnar seg opp i Stella, skriv ho dei ned på lappar i ei bok ho finn på biblioteket. Men kven er det som plutseleg begynner å svara ho?<br><br><em>Stella seier sanninga (stort sett) </em>er oppfølgjaren til den Kritikarpris-nominerte <em>Stella står i det.</em> Boka er illustrert av fabelaktige Oda Valle.<br>