Svart skissebok

<p>Det finst ei teikning, frå den tolv år gamle Malins hand, av høgblokka med ei bærtung rogn framom, hausthimmel bak.</p><p>Sør i Trondheim ligg Risvollan burettslag. Dei over elleve hundre leilegheitene, fordelte på fargerike lågblokker og den ikoniske høgblokka, utgjer det største frittståande burettslaget i Noreg. Her flytter to vaksne saman og gjer Vidar og Malin til stesysken. Kvardagane faldar seg ut, og slik tomflaskene under vasken hopar seg opp, veks fortida i omfang. No er ungane for lengst vaksne, og Malin er forsvunnen. Om ho verkeleg er daud denne gongen, må det vel vera riktig av Vidar å leite etter ho? Om ho igjen er i fare, er det kanskje endå viktigare.</p><p><em></em></p><p><em>Svart skissebok</em> er ein raus roman om ei handfull menneske frå Risvollan sør i Trondheim – Noregs største frittståande burettslag.</p>