Symra

<strong>Norsk klassikar som nydeleg gåvebok</strong><br><br><em>Symra</em> er vårblomen som varslar sommar. Diktsamlinga <em>Symra</em>, som Ivar Aasen gav ut anonymt i 1863, bar òg bod om ein nasjonal sommar i åndslivet og ein ny litteratur i den språkforma Aasen skapte, nynorsken. <em>Symra</em> er ei klassisk bok i norsk litteratur. <em>Symra</em> handlar om landet, historia, tradisjonen, årstidene og menneskelivet. Her er dikt om naturen, arbeid, kjærleik, klokskap, sanning, tilgjersle, tru og von. Dikta skulle syngjast, og mange var dikta til kjende tonar. Den mest kjende songen i <em>Symra</em> er «Nordmannen», ein av dei få songane nordmenn flest kan utanboks, og av mange rekna som vår eigentlege nasjonalsong. I høve 150-års jubileet for 1875-utgåva gir Samlaget no ut <em>Symra</em> som nydeleg gåvebok, utstyrt med eit forord av Runar Gudnason frå Side Brok.<br><br>