Til Jæren med pater Pollestad

<em>Endeleg på nynorsk! Ein «litterær jærsalat» frå Kjell Arild Pollestad</em><br><br>«I 2010 flytte eg heim til Jæren etter over førti års omflakking, med mange år i utlandet, særleg i Frankrike, men også i Roma er eg etter kvart vorten heimekjend. Mange år budde eg og i Oslo, og ikkje minst i Tønsberg, der eg i åtte år var sokneprest. Men kor eg enn var i verda, måtte eg heim til Jæren så ofte det let seg gjera, og få har sete meir på Sørlandsbanen mellom Oslo og Bryne enn eg.<br><br>Om Jæren har eg gjennom åra skrive mykje, og no har eg som gamal mann sett saman ein litterær ‘jærsalat’ av eigne tekstar frå mitt ljose fastland. Her finst og sumt som ikkje har vore utgjeve før, særleg nokre dikt som eg til tider har mora meg med å skriva når eg heller burde ha gått og lagt meg. På ein måte er alle tekstane nye, for alt eg har skrive på ‘sidemålet’, kjem her på hjartespråket, på ‘målet hennar mor’.»<br><br><em>Til Jæren med pater Pollestad</em> er hans fyrste utgjeving på nynorsk.<br>