Utyske

På garden Stormoen merker dei godt at det er krig. Tyskarane har tatt halve huset og styrer den store militærleiren i bygda frå finstova. Odelsjenta Synnøve er skeptisk, men mora oppmodar dottera til å gjengjelde interessa obersten Hugo viser ho.<br><br>Nedi vegen driv Sveinung sauegarden etter at faren døydde i bombinga av Namsos. Han blir stadig meir uroa av oppførselen til venninna Synnøve.<br><br>Sjølv kunne han aldri likt ein soldat, meiner han. Det er heilt til han møter Mario. Sveinung fell pladask. Og med det er begge ungdommane involverte med kvar sin tyskar.<br><br>Offiserane planlegg ei framtid med tysk industri i bygda. Men Tyskland er i ferd med å tape krigen. Farane rykkar nærare. Fleire er på sporet av Sveinung og Mario - og Synnøve søker desperat ein veg ut.<br><br>Utyske er ei stor forteljing om den umoglege kjærleiken mellom nordmenn og tyskarar under andre verdskrigen - uansett kven dei var.