Balddonasmáidnasat ja muitalusat Sámis

Son govccai vuot uvssa ja doamihii sisa nahkehit buvssaid, readdju ja skuovaid ala. Dan bottu go lávkii lei bordime, de vuot jullagodii feaskáris. Guldalii. Jienat ledje dán vuoro mihá garraseappot, ja son dahje sii ahte gudet rigerejedje, orro suhtus. Olmmái roaiskulii lávkka oalgge badjel, viehkalii feaskkeruvssa lusa ja rohttii uvssa rabas. Jienat jávke fáhkkestaga. Diedusge ii lean oktage doppe ja fárpalat ja spiikkárat ledje das gosa lei guoddán daid. Olmmái viegai feaskára cada ja uksaráigge olggos, bálgá ala. Geahcastalai birra. Ii oidnon oktage lahkosis. Muhto ii son lean das goitge áigon orrut. Áiggui beassat guhkás eret báikkis nu johtilit go vejolas. Son lei áibbas vissis ahte dáppe ledje balddonasat. ... Mánga muitalusa dán girjjis leat cállojuvvon nugo áhccán, Áslat Persen Somby, njálmmálaccat lea muitalan daid. Muitalusaid juogadii jumesbártnáziiddisguin, Anders ja Per-Ivar Somby guoktáin, sudno mánnávuodabeivviin 1-970-logus. Dát leat muitalusat maid vuoddun leat dolos sámi cukcasat, árbevirolas balddonasmáidnasat, earet eará duoddaris, ja mudui smávva somás muitalusazat beaivválaseallimis, maid duohken leat duohta dáhpáhusat. Muitalusaid áigelinnjá fatná guovtti buolvva badjel. Áhci árbe-virolas muitalusaid njálmmálas gaskkusteami rájes gitta girjecálli cállinhápmái ja su odda muitalusaide, vásáhusainis mánnávuodastis rávisolbmoeallima rádjái.