Barnfri

Du har kome godt opp i 30-åra. Vener lurar, familie lurar, kollegaer lurar: Skal du ikkje snart få deg ungar du då? Eit vondt spørsmål om du gjerne vil ha barn. Men kva om ungar faktisk ikkje står på ynskjelista? Går det an å bli lykkeleg utan? Eller er det å sei nei til meininga med livet?<br>Dette var introen på radioprogrammet «Biologisk klokke utan batteri» som Brit Aksnes laga for NRK Ekko i 2017. No er Aksnes godt opp i 40-åra, framleis utan born - og kan fortelja om korleis det vart med meininga med livet og lykka. Berre at no melder det seg nye spørsmål: kven skal ta seg av deg når du blir gamal og er du ikkje redd for å angra?<br>Frivillig eller ikkje, over tjue prosent av alle over 45 år er statistisk sett barnlause. Aksnes føler seg ikkje barnlaus, ho <em>manglar</em> ikkje ungar. Valte ho det vekk? Mest ja. Men kva om det berre blei sånn? Treng du bli rekna som barn<em>laus </em>viss du kjenner deg barn<em>fri</em>?<br><br><strong><em>Barnfri – ei bok om å ikkje bli mor</em> </strong>byr på forsking, tal, funderingar, intervju med dei som har peiling, sitat frå Kvinneguiden og utlevering av forfattaren sine erfaringar. Kvifor får me færre barn? Finst morsinstinkt? Er folk lykkelegare med eller utan ungar? Er forfattaren eigentleg ein barnehatar?!<br><br>Brit Aksnes (f. 1977) er journalist, skribent og kulturfrilansar. <br>