Don leat

Don leat girji lea nubbi girji lohkangirjeráiddus maid Jens Martin Mienna ja Susanne Næss Guttorm leaba čállán.<br><br>Mun lean girji heive buohkaide geat galget oahppagoahtit sámegiela, leš dal mánáidskuvllas, nuoraidskuvllas dahje rávisolmmožin. Mii sávvat ahte girji buktá lohkanmovtta ja maiddái dagaha ahte son gii atná girjji, dovdá ahte hálddaša sámegiela.<br><br>Dás leat fáttát mat addet buori vuolggasaji oahppagoahtit sámegiela, nugo logut, ivnnit, bearašsánit, dálki ja johtolat. Girjeráidu galgá ohppiide addit dovddu ahte oahppá, ipmirdá ja ovdána.<br><br>Girjjis čuovvut mánáguoktá Elle ja Máhtte geat hupmaba/hállaba, ja dehálaš sániid gávdná sierra sátnelisttus guđetge fáttás. Dasto leat ivdnás govat mat gullet fáddái ja dat siidu lea lohkan- ja ságastallan siidu. De sáhttá oahpaheaddji dahje oahppit ieža hutkat cealkagiid mat heivejit.<br><br>Juohke fáttá maŋŋel lea speallu muittuhan- ja geardduhan dihte sániid maiguin leat bargan.<br><br>Obbalohkái lea sávaldat ahte girji addá ohppiide dovddu ahte oahppá ja ipmirdá giela ja ovdána gielalaččat.<br><br><br>