Filosofisk Av Helge Torvund

Nå kommer Helge Torvunds illustrerte aforismer i samling; filosoFISK - Vol.1. Boken tar utgangspunkt i nettestedet med samme navn http://filosofisk.no <br/> <br/>Dersom Skøyarstreken har sin plass, og Genistreken har ein annan plass, <br/>så finst det nok ein plass midt mellom desse, der min strek bur. <br/>På denne staden er det ei bukt. Og der har eg stranda. <br/>Dersom ein sit litt der, på ein stein, på ein kasse <br/>eller på eit flygande teppe, <br/>så kan ein høyra lyden av ei strand som klappar. <br/>Det er den lyden eg håper du òg skal høyre, <br/>nå når eg har sett strek og du har kjøpt denne boka. <br/>Men ikkje bli lei deg dersom du ikkje høyrer noko som helst. <br/>Du har sikkert bare gløymt å skru opp lyden. <br/>Eller så er det ikkje ei lydbok du har kjøpt. <br/>Lyd er oppskrytt. <br/>Då kan du bruka denne stranda til litt stille lengde. <br/>Så stille som det er på denne stranda, er så langt som du kan koma. <br/>Ser du eit stykke rekved, så løft på den. For under den kan du finna det underfundige. <br/>Ser du eit gåtefullt spørsmålsteikn, så legg det til sides. Det kan svara seg. <br/>Ser du ein gammal mynt, så ta han opp. Det kan fort betala seg. <br/>Og når du har betalt for denne boka, <br/>skal eg setja to strekar under svaret. <br/> <br/>Helge Torvund (f. 1951) er lyrikar, barnebokforfattar og psykolog.m Han debuterte i 1977 og fekk Nynorsk Litteraturpris i 1989. Dei siste diktsamlingane har kome i fleire opplag og fått mykje positiv omtale, og for «Alt Brenner» fekk Torvund Wildenveys Poesipris i 2016. Han har fungert som hovudmeldar av lyrikk for Dagbladet. Han er òg kjent som Diktlærar ved den nettbaserte skriveverkstaden Diktkammeret. Helge Torvund bur på Ogna i Rogaland.