Høytørkeseng den som ein gong har hesja ...

I den andre diktsamlinga til Hans Günther Bonenberger, som også innheld epistlar og songtekstar, er emna stort sett natur, dyr, menneske, kjærleik, politikk og historie. <br/>Dikta i boka varierer mellom dei meir tradisjonelle og dei moderne. Som i diktet Dråpe, der det synlege brått forsvinn for augo med eit plopp eller diktet Holmar i havet, der menneske ikkje alltid spelar på lag med naturen. <br/>Bonenberger skriv og om ei kvit lilje som kjenner seg utanfor fellesskapen, og med diktet Høytørkeseng freistar han å visa ved hjelp av bilete, tilbakeblikk i tida, kva som måtte til for å overleva, men samstundes og å leva.