Låglandssongar

I <em>Låglandssongar</em> tek Finn Øglænd lesaren med på ei melankolsk, rastlaus og attkjenneleg vandring gjennom gatene i Stavanger. <br>Gjennom usentimentale observasjonar skildrar Øglænd ein by og eit samfunn i endring. Det blir trekt liner frå det nøkterne fiskebondelivet i Tananger i eldre tider til eit moderne, gentrifisert landskap prega av oljerikdom, «corporate power» og Porschar.<br><br>Midt i dette står ein aldrande, sjølverklært «gårsdagens mann» som verken søker trøyst i religion, ideologiar eller jakt på status. Han lyttar til country og Nirvana, kjøper brukte CD-ar på Gjenbruken, nyt ein billeg pils og prøver å avkle byen sitt mysterium på dei daglege vandringane sine.<br><br><em>Låglandssongar</em> er ei djupt menneskeleg og bekmørkt humoristisk diktsamling for alle som har innsett at livet kanskje ikkje blei eit storslått epos, men som likevel held det gåande gjennom livets sluddbyger.<br>