Migranorsk Alfa

Migranorsk alfa er eit unikt læreverk for grunnleggjande lese- og skrivetrening for unge og vaksne innvandrarar. Verket høver svært godt for bruk i samansette klassar. Det inneheld digitale oppgåver på fleire nivå, frå bildeppgåver utan skrift til alfabetiseringsoppgåver og oppgåver for dei som alt er lese- og skrivekunnige. Migranorsk alfa følgjer kompetansemåla i grunnopplæring i lesing og skriving etter Læreplan i norsk for vaksne innvandrarar (2021).<br/>Verket passar også for ungdommar i innføringsklassar. Migranorsk alfa Digitalt kurs er eit heildigitalt læremiddel. Deltakarane blir inviterte inn i læringsprosessen gjennom ein kvardagsbasert dramaserie med 14 episodar. Bruken av filmar opnar for ei mediering og samhandling i det moderne klasserommet. Til kvar episode høyrer det til svært mange interaktive lese- og skriveoppgåver på ulike nivå. Det er også forslag til munnlege oppgåver klassen kan jobbe med uavhengig av lese- og skriveferdigheiter. Ressursen er nivådelt og har oppgåver frå heilt grunnleggjande alfabetiseringsoppgåver til meir omfattande lese- og skriveoppgåver. Han har i tillegg ordinnlæringsoppgåver som ikkje krev leseferdigheiter av deltakaren. Den digitale ressursen inneheld også ei omfattande lærarrettleiing med metodiske tips og støtte til undervisninga.<br/>Migranorsk alfa nynorsk inneheld oppgåver på nynorsk. Sjå meir på migranorsk.no. Migranorsk alfa Skriftforming er eit supplement til den digitale ressursen og gir deltakarane viktig trening i praktisk skriftforming. Boka startar med grunnleggjande oppgåver for å øve finmotorikk og skriveretning og går deretter vidare til bokstavforming og skrift. På utbrettklaffane i boka er det samla oversikter som kan vere til nytte for deltakarane.<br/>Migranorsk alfa Skriftforming følgjer det digitale kurset, men kan også nyttast som ein sjølvstendig øvingsressurs uavhengig av dette.