Under ei blendande sol

<strong>Kan Hannah skrive sin andre kriminalroman, oppklare eit mord og samstundes handtere eit trekantdrama?</strong><br> <br>Forfattaren Hannah Krause-Bendix slit med ulykkeleg kjærleik og skrivesperre. For å finne ro og inspirasjon blir ho send til Sicilias blendande sol, til ein villa med utsikt over havet – her skal ho skrive oppfølgjaren til den store krimsuksessen.<br>Villaen er som skapt for skriving, men tastaturet står stille. I staden let Hannah seg lokke ut i det solblenkande landskapet, til tronge smau, lokale kafear og late dagar ved havet. Ferieidyllen slår sprekkar idet ho vaknar opp midt i eit mordmysterium – og innser at ho sjølv er blant dei mistenkte. <br>Mot politiets ordre bestemmer Hannah seg for å løyse saka sjølv, slik berre ein forfattar med for mykje fantasi kan gjere. Til si eiga overrasking får ho uventa hjelp av ein sjarmerande, ung italiensk betjent. I bakgrunnen lurer det uavklarte forholdet til den islandske kjærleiken.<br><em>Under ei blendande sol </em>er ein frittståande oppfølgjar til Jenny Lund Madsens internasjonalt kritikarroste og prisvinnande debut <em>Tretti dagars mørke</em> og den andre boka i øy-trilogien om Hannah Krause-Bendix. Ein elegant og forførande krim der middelhavsidyll og mørke løyndomar kolliderer.<br><br>Frå dansk ved Maren Barlien Guntvedt.<br>