Liten fugl

<strong><em>Liten fugl</em> </strong>er ei bok, men også ei kiste full av overraskingar. På sidene finn vi menn som blir til eldfluger og kvinner som har ein liten fugl i lomma på jobbintervju, eller med eit blikk forvandlar hagearbeid til performans. Nokre av forteljingane går føre seg i Nord-Noreg, andre i Peru, og andre igjen på ikkje bestemte stader. Men uansett landskap går hovudpersonane gjennom kvardagen som om den både var deira eige territorium – og ein lett hallusinasjon. For her blir alle rom uvisse: Migrasjonen er ikkje berre geografisk, men også emosjonell og mental. I desse tekstane blandar sorg, framandkjensle, humor seg i eit undrande – nærmast magisk – blikk på verda. Slik kastar <em>Liten fugl</em> lys over mørke soner i tilværet og forvandlar dei til små openberringar.<br><br><strong>Claudia Ulloa Donoso </strong>(Peru, 1979) er ein forfattar busett her i landet. Ho kom først til Nord-Noreg, tidleg på 2000-talet, budde i Bodø, studerte ved Universitetet i Tromsø, og no bur ho i Trondheim. Alt i 2006 debuterte ho, med novellesamlinga <em>El pez que aprendió a caminar</em> (Fisken som lærte å gå), og heldt fram i same sjanger med <em>Séptima madrugada </em>(2007, Sjuande morgongry) og <em>Pajarito</em> (<em>Liten fugl</em>, 2015) som allereie har oppnådd kultstatus blant spansktalande lesarar. Den første boka som kom ut på norsk, var derimot første romanen hennar, <em>Yo maté un perro en Rumanía </em>(2022) <em>Jeg drepte en hund i Romania </em>(2024). Ho har vore representert i fleire antologiar med temaet <em>den nye latinamerikanske novella</em>, og vart i 2017 vald ut til Bogotá39-lista over dei mest lovande unge forfattarane i Latin-Amerika. I Noreg har ho ved sida av å utvikle forfattarskapen sin undervist i spansk, og i norsk for innvandrarar.<br><br>